Museoko maketak
El Castillar herrixkako etxeak
Mendabiako El Castillar herrixka, Burdin Arokoa, muino baten gainean dago. Amparo Castiellak ikertu zuen, 1977 eta 1982 bitartean. Indusketaren planotik abiatuta, bi binakako etxeren arkitektura berreraiki da eskalan. Igeltsuzko zokalo baten gainean daude, adobezko hormekin eta landare-estalkiarekin. Etxeen barrualdearen, kaleko zoladuraren eta altzari eta tresnen birsorkuntza (Burdin Aroko garai osokoak) irudizkoa da.
Galtzarrako kastroa
Galtzarrako kastroa (Lanaibarra) –altueran gotortutako herrixka bat da kastroa, bai modu naturalean, bai artifizialki gotortuta– kareharrizko malkar aldapatsuek mugatutako haitz baten gainean dago, Galbarra ibaiaren gainetik 125 metrora. Javier Armendarizek 1999an egindako indusketa arkeologikoari esker, kastroa nola zegoen gotortuta zehaztu ahal izan zen kastroaren eremu irisgarrienean: hobi bat eta kareharrizko (kareharria bertakoa zen) harlanduxkoko harresi bat, 3 metroko zabalerakoa. Sarrerako atea –zeiharra– malkar harritsuaren ondoan dago. Haitzaren topografiaren eta kastroaren defentsa-egituraren kopia erreala da. Maketako etxe-taldearen planifikazioaren eta jarduera ekonomikoen birsorkuntza, aldiz, hipotetikoa da.
Indusketa arkeologikoa
Maketak Lehen Burdin Aroko herrixka baten suteko arkeologia-maila birsortzen du indusketa-prozesuan, Arabako Hoyako herrixkaren estratigrafiatik eta sekzioko birsorkuntza bolumetrikotik abiatuta (Armando Llanosen arabera).
